مشاهدة النسخة كاملة : قصائد شالح بن هدلان
عبدالله
04-06-2008, 08:13 AM
لاواخوٍلي عقـب فرقـاه باضيـع
كني بما يجري على العمـر داري
اخـوي ياستـر البنـيّ المفارايـع
ومطلق لسان اليّ باهلهـا تمـاري
ليته عصاني مرة قـال مـا طيـع
كود اني أصبر يوم تجري الجواري
انا اشهد إنه لـي سريـع المنافيـع
عبد مليـك لـي ولانـي يشـاري
تشهد عليـه مناتـلات المصاريـع
واعداه من كفه تشـوف العـزاري
يمناه تنثـر مـن دماهـم قراطيـع
وعوق العديم اللـي بِدَمَّـه يثـاري
جداع سفريـن الوجيـه المداريـع
مخَلِّي سروج الخيل منهم عـواري
القلـب ماينسـى بعيـد المناويـع
ليث على صيد المشاهير ضـاري
عبدالله
04-06-2008, 08:14 AM
انا ليا كثرت الاشوار ماشير = والله ماتي واحدن مادعاني
لامن وطيته قاعد رحت انا اسير = شوره قداه وشوري اللي قداني
وانا جا حساس عند تالي المظاهير = جيته على صفرا تلوك العناني
انا رفيقه في بالليال المعاسير = والا الرخا كلن يسد بمكاني
شوري ليا هجب توالي المظاهير = شلفا عليها رايب الدم قاني
شلفا معودها لجدع المشاهير = يوم السبايا كنها الديد حاني
شلفا وريع من وساع المطايير = يفرج بها لاحان راع الحصاني
مانيب حداي الظعن كني الزير = ولانيب بياع الغتر مربحاني
ولاحط بيتي بين عوج الدواوير = ولالود المنزل عريض البطاني
ماني بخيل مايعرف المعابير = قدني على قطع الفرج مرجعاني
ان سندوا حدرت يم الجوافير = وان حدروا سندت لمريغاني
ناخذ بخير ان المريبخ مسايير= ومادبر الموالي على البعد كاني
عبدالله
04-06-2008, 08:20 AM
ماذكر به حي بكى حي ياذيب
واليوم أنا ببكيك لو كنت حيّا
وياذيب يبكونك هل الفطر الشيب
ان لايعتهم مثل خيل المحيّا
وتبكيك قطعان عليها الكلاليب
وشيال حمل اللي يبون الكفيّا
وتبكيك وضح علقوها دباديب
ان رددت من يمة الخوف عيّا
ويبكيك من صكت عليه المغاليب
ان صاح باعلى الصوت يا هل الحميّا
ننزل بك الحزم المطرف ليا هيب
ان رددوهن ناقلين العصيّا
ان اشهد انك بيننا منقع الطيب
والطيب عسر مطلبه ماتهيّا
عبدالله
04-06-2008, 08:21 AM
امس الضحى عديت روس الطويلات ... وهيضت في راس الحجا ماطرالي
وتسابقن دموع عيني غزيرات ... وصفقت بالكف اليمين الشمالي
وجريت من خافي المعاليق ونات ... والقلب من بين الصناديق جالي
واخوي يلي يم قاره خفا فات ... من عاد عقبه بيستر خمالي
ليته كفاني سو بقعا ولا مات ... وانا كفيته سو قبر هيالي
وليته مع الحيين راعي الجمالات ... وانا فدا له من غبون الليالي
واخوي يلي يوم لخوان فلات ... من خلقته ماقال ذا لك وذا لي
تبكيه هجن تالي الليل عجلات ... ترقب وعدها يوم غاب الهلالي
وتبكي على شوفه بني عفيفات ... من عقب فقده حرمن الدلالي
عوق العديم ان جاء نهار المثارات ... والخيل من حسه يجيهن الجفالي
عبدالله
04-06-2008, 08:22 AM
ياربعنا يلي على الفطر الشيب ... عز الله انه ضاع منكم وداعه
رحتو على الطوعات مثل العياسب ... وجيتو وخليتو لقبي بضاعه
خليتو النادر بدار الاجانيب ... وضاقت بي الافاق عقب اتساعه
تكدرن لي صافيات المشاريب ... وبالعون شفت الذل عقب الشجاعه
ياذيب انا بوصيك لاتاكل الذيب ... كم ليلة عشاك عقب المجاعه
كم ليلة عشاك حرش العراقيب ... وكم شيخ قوم كزته لك ذراعه
كفه بعدوانه شنيع المضاريب ... ويسقي عدوه بالوغى سم ساعه
ويضحك ليا صكت عليه المغاليب ... ويلكد على جمع العدو باندفاعه
وبيته لجيرانه يشيد على الطيب ... والضيف يبني في طويل الرفاعه
جرحي عطيب ولا بقى لي مقاضيب ... وافخت حبل الوصل عقب انقطاعه
كني بعد فقده بحامي اللواهيب ... وكني غريب الدار مالي جماعه
من عقب ذيب الخيل عرج مهاليب ... ياهل الرمك ماعاد فيهن طماعه
قالو تطيب وقلت وش لون ابا طيب ... وطلبت من عند الكريم الشفاعه
انا بنذر اللي من ربوعي يبا الطيب ... لاياخذ الا من بيوت الشجاعه
يجي ولدها مذرب كنه الذيب ... عز لابوه وكل ماقال طاعه
وبنت الردى ياتي ولدها كما الهيب ... غبن لابوه وفاشله بالجماعه
ياكبر زولك عند بيت المعازيب ... متحري متى يقدم متاعه
عبدالله
04-06-2008, 08:25 AM
ياذيب أنا يابوك حالي تردي = وأنا عليك من المواجيب ياذيب
تكسب لي اللي لاقحٍ عقب عدا = طويلة النسنوس حرشا عراقيب
تجر ذيلٍ مثل حبل المعدا = وتبري لحيرانٍ صغارٍ حباحيب
واشري لك اللي ركضها ما تقدا = ما حدٍ لقي فيها عيوب وعذاريب
قبا على خيل المعادي تحدى = مثل الفهد توثب عليهم تواثيب
أنا أشهد أنك باللوازم تسدا = وعز الله إنك خيرة الربع بالطيب
ياللي على ذيب السرايا تعدا = لو حال من دونه عيال معاطيب
ليثٍ على درب المراجل مقدي = ما فيك ياذيب السبايا عذاريب
الله لا يهينك يا ابو عابد وصح لسان شاعرها ابن هدلان
لا تحرمنا جديدك فديت قلبك
تقبل تحياتي...
فهد
شكرا اخوي عبدالله على كتابة قصائد الشاعر و الفارس شالح بن هدلان
ويعطيك العافيه
لا تحرمنا جديدك
شكراً اخوي عبدالله على هالقصائد الجميله ....,,,
ننتظر ماهو جديدك
يعطيك العافيه يا عبدالله
يا ليت تعطينا قصايد راكان بن حثلين وتركي بن حميد والشعراء اللي توفوا عسى الله يرحمهم
ابو سعد
04-07-2008, 03:34 PM
مشكور اخي على النقل القصايد حق الشاعر العملاق من عمالقه الشعر
عبدالله
04-08-2008, 01:50 PM
فهد
فيصل
King
حمد
ابو سعد
الله لايهينكم على الردود وابشروا بالمواضيع الطيبة
يــاهــاجــري
04-08-2008, 11:01 PM
الله لايهينك وعزالله هذي القصايد الجزله
وشكرا
كآيدهم
04-14-2008, 10:17 PM
صح ألسآنك ولسآن الشآعر
ولاهنت على طرح القصائد الجزله من شآعر جزل
مع التحيه,,,
القايد
07-04-2008, 12:15 AM
الله يعطيك الف عافيه
على القصيده الجزله:x22:
:x22:
ضرغام
07-04-2008, 05:54 AM
الله لا يهينك اخي العزيز عبدالله على قصائد الشيخ الفارس شالح ابن هدلان ولا تحرمنا جديدك يالطيب ..... :)
تكفيني الذكرى
07-04-2008, 02:27 PM
اخوي عبدالله اشكرك على نقلك لهذه القصايد
والتي ترجع لرمز من رموز الشجاعه والفخر ومضرب للامثال بين العرب
وصح لسان شاعرها ويد كاتبها
ملاحظه ::: اخوي عبدالله هذه القصايد لها احداث قبل ان يقولها الشاعر
كنت اتمنى ان تقول الحدث ولو بإيجاز قبل ان تنقل القصيده
وشكرا .
vBulletin 3.6.8